Keçmiş baş nazir ilk dəfə media qarşısına çıxdı və dedi: "Heç yerə getməyə hazırlaşmıram"

Keçmiş baş nazir Qiorqi Qaxaria istefa etdikdən sonra ilk dəfə media qarşısına çıxıb.

InterPress.ge xəbər verir ki, bu barədə keçmiş Baş nazir Cavkisi yaxınlığında yerləşən bağ evində jurnalistlərə bildirib.

Qaxarianın dediyinə görə, siyasətdən getmək də daxil olmaqla, heç yerə getməyə hazırlaşmır.

"Fərqli söz-söhbətlər çox olsa da, heç yerə getməyəcəyəm. Üstəlik, siyasətdən də getməyəcəyəm. Əslində, planlarımızı, gündəmimizi izləyirik, bu da yaxın gələcəkdə hər şeyi təfərrüatlı danışmaq və paylaşmaq imkanı verəcək”,- Qiorqi Qaxaria jurnalistə bildirib.

"Tezliklə görüşəcəyik. Bütün suallara cavab mütləq veriləcək",- deyib keçmiş baş nazir jurnalistlərə.