VMH-ın ofisinin atəşə tutulması ilə bağlı DİN istintaq başlatdı

Mətbuatda yer alan məlumatlar əsasında Daxili İşlər Nazirliyi, Tbilisidə, Kaxeti şossesindəki VMH-ın ofisinin fasadındakı mövcud bannerə atəş açılması ilə əlaqədar istintaq başladıb.

InterPress.ge xəbər verir ki, bu barədə Daxili İşlər Nazirliyindən məlumat verilib.

Məlumata görə, istintaq Gürcüstan Cinayət Məcəlləsinin başqasının əmlakına ziyan vurma və qanunsuz olaraq odlu silah alma, saxlama və gəzdirməyi nəzərdə tutan 187 və 236-cı maddələri ilə başladılıb.

"Bu faktla bağlı Daxili İşlər Nazirliyinə müraciət edilmədi. Kütləvi informasiya vasitələrində yayılan məlumatlar əsasında istintaq başladıldı. Bütün müvafiq istintaq və prosessual tədbirlər görülür", - bildirilib məlumatda.