Rusiyaya məxsus döyüş təyyarəsi Qara dənizə düşüb

Rusiya aviasiyasına məxsus "Su 27" tipli təyyarə Qara dənizə düşüb.

InterPress.ge-nin verdiyi xəbərə görə, bu barədə Rusiyanın Müdafiə Nazirliyi məlumat yayıb.

Bildirilib ki, "Su 27" təyyarəsi plan uçuşu həyata keçirən zaman radarlardan itib.

Qeyd olunub ki, Feodosiyadan 50 km məsafədə hava gəmisi qəza siqnalı verib. Pilotun xilası əməliyyatında "An-26" təyyarəsi, "Mi-8" helikopteri və mülki gəmilər iştirak edirlər. Rusiya MN-in məlumatında qəza bölgəsində hava şəraitinin pis olması səbəbindən pilotun axtarışının çətin olduğu da bildirilib.