Görüşdən sonra Kobaxidze açıqlama verdi

"Avropa Şurası Prezidenti Charles Michel-in şəxsi nümayəndəsi Christian Danielsson ilə görüşlər bu gün başa çatdı".

InterPress.ge xəbər verir ki, bu barədə "Gürcü Arzusu" partiyasının sədri İrakli Kobaxidze deyib.

Onun sözlərinə görə, dialoq Baş nazirin Brüssel səfərindən sonra davam edəcək.

"Cənab Danielssonun səfəri göstərdi ki, onun iştirakı çox məhsuldardır, dialoq prosesini çox yaxşı aparır, dialoqun və danışıqların belə rejimdə davam etməsini istəyirik. Növbəti missiyanı gözləyəcəyik. Səfərdən sonra danışıqlar davam edəcək. Görüşlər bu gün bitdi, dialoq növbəti dövrdə də davam edəcək", - dedi İrakli Kobaxidze.