Salome Zurabişvili: "Prosesi danışıqlar masasına keçirmək lazımdır"
Bu gün Gürcüstan Prezidenti Salome Zurabişvili, Orbeliani Sarayında Avropa Birliyinin vasitəçiliyi ilə həyata keçirilən siyasi dialoq zamanı Avropa Birliyi Şurasının Prezidenti, Charles Michel-in şəxsi nümayəndəsi Christian Danielsson ilə görüşüb.
InterPress.ge xəbər verir ki, Gürcüstan Prezidentinin mətbuat xidməti tərəfindən görüşlə bağlı məlumat yayılıb.
Prezident Christian Danielsson-un Gürcüstana gəlişini və AB-nin danışıqlar və dialoq üçün dəstəyini məmnuniyyətlə qarşılayıb.
Gürcüstan Prezidenti Christian Danielsson-a Gürcüstanda keçirilən seçkilər, parlamentdəki partiyaların hüquqları və qanunverici instrumentlər barədə hərtərəfli məlumat verib.
Prezident Christian Danielsson-un səfərinin səmərəli olacağına və təcrübəsinin tərəflərin mövcud vəziyyətdən çıxmasına kömək edəcəyinə inandığını bildirib.
Christian Danielsson-un dediyinə görə, bu gün danışıqlarda iştirak edən tərəflərin razılığa gəlmək hazırlığı çoxdur.
Prezidentin sözlərinə görə, proses düzgün istiqamətdə gedir, ancaq gərginlik gətirmək üçün cəhdlər də var. Onun dediyinə görə, ritorikanı yüngülləşdirmək vacibdir və həll yolu tapmaq üçün prosesi danışıqlar masasına keçirmək lazımdır.
Salome Zurabişvilinin sözlərinə görə, bu gün fərqli mövqelərə baxmayaraq, danışıqlarda iştirak edən tərəfləri Gürcüstanın Avropaya inteqrasiya istəyi birləşdirir və bu dəyişməyəcək. Gürcüstan Prezidentinin qeyd etdiyinə görə, ATƏT artıq seçkilərlə bağlı müvafiq nəticə verib, bu da seçkilərin legitimliyini şübhə altına almır.
Danielsson-un dediyinə görə, Gürcüstan hər zaman bölgədə demokratiya və sabitlik nümunəsi olub və bu vəziyyət dəyişməməlidir, çünki bu Gürcüstanın milli maraqlarına cavab verir.
