Gürcüstanda peyvəndin ilk və ikinci mərhələdə kimlərə vurulacağı açıqlandı

“Peyvəndləmənin ilk mərhələsində həkimlər, daha sonra digər risk qrupları aşılanacaqlar”.

InterPress.ge xəbər verir ki, bu barədə Səhiyyə Naziri Ekaterine Tikaradze Nazirlikdə keçirdiyi xüsusi brifinqdə bildirib.

“Bilirsiniz ki, Aşılama Şurası tərəfindən hazırlanmış xüsusi qrafikimiz var. Əvvəlcə həkimlər, sonra qalan risk qrupları aşılanacaq. Peyvənd əvvəl iri şəhərlərə paylanacaq, bu siyahı barədə ictimaiyyətin məlumatı var. Mümkün olan və ehtimal olunan fəsadların qarşısını almaq üçün təlimlərin keçirildiyi və bütün təhlükəsizlik tədbirlərinin görüldüyü tibb müəssisələrini təyin etdik. Mövcud planı izləyirik, hansı ki, artıq ictimaiyyətə açıqlanıb”, - dedi Tikaradze.