Gürcüstanda ağır yol qəzası nəticəsində 1 nəfər öldü

Kutaisi və Çaqerini birləşdirən mərkəzi yolda, Ağvi kəndi yaxınlığında baş verən yol qəzasında bir nəfər ölüb.

InterPress.ge-nin məlumatına görə, "Jeep" markalı avtomobil yoldan çıxaraq bordürlə toqquşub.

Qəzada 2 nəfər ağır yaralanıb. Onlar ən yaxın tibb müəssisəsinə aparılıblar.

Təcili yardım və patrul polis qrupları hadisə yerinə cəlb edilib.

Daxili İşlər Nazirliyindən verilən məlumata görə, hadisə ilə bağlı istintaq Gürcüstan Cinayət Məcəlləsinin 276-cı maddəsinin 6-cı hissəsi ilə başladılıb.