Gürcüstanda koronavirusa təkrar yoluxma halı qeydə alındı

“Gürcüstanda koronavirusa təkrar yoluxma halı qeydə alındı”.

InterPress.ge xəbər verir ki, bu barədə Koordinasiya Şurasının iclasından sonra keçirilən brifinqdə Milli Xəstəliklərə Nəzarət və Xalq Sağlamlığı Mərkəzinin rəhbəri Amiran Qamğrelidze bildirib.

Onun sözlərinə görə, yenidən yoluxan şəxs yaşlı deyil.

"Yenidən yoluxma halı üç aylıq fasilə ilə təsdiqləndi. Orada eyni ştammın yeni mutasiyası var, amma bütünlüklə eyni deyil. Genomda dəyişikliklər var, ancaq Britaniya və ya başqa bir növü deyil. Yaşını səhv salmaq istəmirəm, yenidən yoluxan şəxs yaşlı deyil”, - dedi Amiran Qamğrelidze.