Rustavi Cəzaçəkmə Müəssisəsinin qarşısında Nika Meliaya dəstək aksiyası keçirilir

"Qavrilovun şəxsi məhbusuna azadlıq" - bu şüarla "Milli Hərəkat" təmsilçiləri Rustavi Cəzaçəkmə Müəssisəsi qarşısında Nika Meliaya dəstək aksiyası keçirirlər.

InterPress.ge xəbər verir ki, “Vahid Milli Hərəkat”ın üzvləri və tərəfdarları Nika Melia ilə həmrəy olduqlarını ifadə edərək Tbilisidən Rustaviyə avtomobil karvanı ilə yürüş ediblər.

Yürüş iştirakçılarının dediklərinə görə, Nika Melia qanunsuz bir məhbusdur və həbsxananı tərk etməlidir.

Aksiya zamanı cəzaçəkmə müəssisəsinin qarşısında Gürcüstanın dövlət himni səsləndiriləcək.