Gürcüstanda Ramazan ayı nə vaxt başlayır? - AÇIQLAMA

Bu il Ramazan ayı 14 aprelə təsadüf edir.

InterPress.ge xəbər verir ki, bu haqda Ümumi Gürcüstan Müsəlmanları Ali Din İdarəsinin sədri və şeyxi Mirtağı Əsədov məlumat verdi.

Onun sözlərinə görə bu tarix ayın görsənməsi ilə əlaqəli dəyişə bilər.

“Təqribən 14 apreldə Ramazan ayı başlayacaq, yenədə bu tarix ayın dəqiq görsənməsi ilə müəyyən olacaq. Yəni bir gün arada fərq ola bilər”- qeyd etdi M.Əsədov.

Eyni zamanda qədr gecəsinin 1, 3 və 5 may tarixlərində keçiriləcəyini də bildirdi.

“Əgər Ramazan ayı 14 apreldə başlasa, Qədr gecələri 1, 3 və 5 may tarixlərində olacaq. Əgər bir gün sonra olsa, Qədr gecələri də Ramazan ayının başlama tarixinə görə dəyişəcək”- dedi M.Əsədov.