Gürcüstan və Rusiya arasında aviareyslər bərpa olunurmu?- AÇIQLAMA

“Gürcüstan və Rusiya arasında birbaşa aviareyslərin bərpası məsələsi həll olunmamış qalır”.

InterPress.ge xəbər verir ki, bunu Rusiyanın senatoru Qriqori Karasin TASS-a müsahibəsində deyib.

Onun sözlərinə görə, uçuşların bərpası məsələsi koronavirus pandemiyasından da asılıdır.

“Gürcüstan tərəfi hər zaman Rusiya vətəndaşlarını qəbul etməyə hazır olub. Lakin reyslərin bərpası üçün lazımi şərtlər yaratmaq lazımdır. Gürcüstana yollanan vətəndaşlarımız özlərini təhlükəsizlikdə hiss etməlidirlər. İndi bu məsələyə tibbi və sağlamlıq təhlükəsizliyi də əlavə olunub”- dedi Q.Karasin.

Qeyd edək ki, Rusiya Gürcüstanla birbaşa uçuşları 2019-cu ilin iyulun 8-də dayandırıb. Gürcüstan martın 1-dən etibarən hava sərhədlərini Rusiya vətəndaşları üçün açıb.(report)