Kutaisidə izdihamlı aksiya keçirilir

Etirazın 126-cı günü Rioni dərəsi əhalisinin aksiyası Namoxvani kəndindən bir günlük Kutaisiyə köçdü.

InterPress.ge xəbər verir ki, etirazçılar şəhərin mərkəzi meydanına toplaşıblar.

Rioni əhalisinin etirazına müxtəlif bölgələrdən olan vətəndaşlar da qatılıb. Aksiya üçün Kutaisiyə gəliblər və Rioni dərəsi mühafizəçilərinə dəstək olduqlarını bildiriblər.

Etirazçıların tələbləri dəyişməz olaraq qalır. Hökumətdən Türkiyənin "Enka" şirkəti ilə müqaviləni ləğv etməsini və Türk şirkətinin Rioni dərəsini tərk etməsini tələb edirlər. Hüquq mühafizəçiləri Kutaisinin mərkəzi meydanına cəlb edilib.

Xatırlatmaq istərdik ki, Rioni dərəsinin əhalisi 126 gündür ki, Namaxvani SES-ə qarşı etiraz aksiyası keçirir.