Acarıstanda dənizdə gənc axtarılır

Acarıstanda bir neçə gündür dənizdə itən gənc axtarılır.

InterPress.ge xəbər verir ki, sərxoş olduğu ehtimal olunan gənc 17 fevralda dənizə girib və yoxa çıxıb.

Məlumata görə, o vaxtdan bəri axtarışlar gedir, lakin bu günə qədər heç bir nəticəsi yoxdur.

Fövqəladə Hallar İdarəsi bildirişdən bəri axtarışların dayanmadığını və bütün ekspert və texnikanın cəlb olunduğunu bildirib.

İtkin düşən şəxsin ailə üzvləri dalğıc sayının yetərli olmadığını deyiblər və saylarının artırılmasını tələb ediblər.