Gürcüstanda koronavirusa yoluxan şəxslərin sayı 49-a çatdı

Gürcüstanda daha bir nəfərdə koronavirusa yoluxma halı təsdiqlənib.

InterPress.ge xəbər verir ki, bu barədə Gürcüstan hökumətinin koronavirusla mübarizə çərçivəsində təsis etdiyi rəsmi internet saytında məlumat verilib.

Bununla da ölkədə koronavirusa yoluxma təsdiqlənmiş şəxslərin sayı 49-a çatıb. Qeyd edək ki, onlardan biri tam sağalaraq evinə buraxılıb.

Qeyd olunur ki, Gürcüstanda hazırda 1966 nəfər karantində, 259 nəfər isə tibbi nəzarətdə saxlanılır.