Gürcüstanlı ekspertlər və jurnalistlər Qarabağa səfərə başladılar

Azərbaycan Respublikasının Xarici İşlər Nazirliyinin və Azərbaycan Respublikasının Gürcüstandakı Səfirliyinin təşkilatçılığı və dəstəyi ilə gürcü jurnalistlər və ekspertlərin Azərbaycan Respublikasının işğaldan azad olunmuş ərazilərinə səfəri təşkil edilib.

InterPress.ge xəbər verir ki, səfər 27 fevral tarixindən başlayaraq, 1 mart 2021-ci il tarixinədək davam edəcəkdir.

Gürcüstanın qabaqcıl Pirveli TV, Mtavari Arkhi, Imedi TV, POS TV kanallarının jurnalistləri tərəfindən səfər çərcivəsində işğaldan azad olunmuş Ağdam, Xocavənd, Füzuli, Cəbrayıl, Zəngilan, Qubadlı, Ağdərə və Kəlbəcər rayonları, həmçinin, Suqovuşan və İstisuda çəkilişlərin aparılması nəzərdə tutulur.