Gürcüstanda ağır yol qəzası baş verdi - Ölən və yaralananlar var

Kaxetidə yol qəzası nəticəsində bir nəfər ölüb, dörd sərnişin isə ağır yaralanıb.

InterPress.ge xəbər verir ki, hadisə Lagodexi Bələdiyyəsinin Qelati kəndi yaxınlığında baş verib.

Məlumata görə, Mersedes markalı avtomobil əks istiqamətdə hərəkət edən Opel markalı avtomobillə toqquşub. Sərnişinlərdən biri qəza nəticəsində yerindəcə ölüb, dörd nəfər isə aldığı travmalar nəticəsində təcili yardım qrupu tərəfindən Lagodexi "Arximed" Klinikasına aparılıb.

İlkin məlumata görə, qəzaya yüksək sürət səbəb olub. Hadisə yerində istintaq tədbirləri davam etdirilir.