İrakli Qaribaşvili: "Kimsənin ölkəmizin sabitliyini pozmasına icazə verməyəcəyik"
“Kimsənin ölkəmizin sabitliyini pozmasına icazə verməyəcəyik, bu xaos tezliklə sona çatacaq, bunun zəmanətini mən verirəm”.
InterPress.ge xəbər verir ki, Gürcüstan Baş nazirliyinə namizəd İrakli Qaribaşvili parlamentdə, "Gürcü Arzusu" fraksiyasının üzvləri qarşısında çıxışı zamanı bu barədə açıqlama verib.
Onun dediyinə görə, dövlətin üzləşdiyi bütün dağıdıcı cəhdlər düşmənin mənafeyinə uyğundur və bu, birbaşa dağıdıcı müxalifətin maraqları ilə üst-üstə düşür.
"Mən bunu təsadüfən qeyd etməmişəm, dəfələrlə demişəm və hər zaman da təkrar edəcəyəm. Bənzərsiz bir dövrümüz var idi. Bidzina İvanişvilinin hakimiyyətinin 8 illik dövründə müharibə , sabitliyin pozulması və əhəmiyyətli bir təhlükə yox idi. Onu saxlamaq və qorumaq lazımdır və bunu qoruyacağıq. Bu səbəbdən qarşılaşmalı olduğumuz bütün dağıdıcı cəhdlər birbaşa düşmənimizin maraqlarına cavab verir və burada təhlükəsizlik məsələlərimiz və düşmənimizin maraqları dağıdıcı müxalifətin maraqları ilə birbaşa üst-üstə düşür. Eyni kontekstdə qeyd etmək istərdim ki, əgər bioqrafiyalara yaxşı baxsanız, hansı ki, Şulaveri Komitəsində toplaşıblat, çox böyük bir daxili düşmənçilik, böyük bir xəyanətlə qarşılaşdığımıza əmin ola bilərsiniz. Bu səbəbdən həm gücümüzə, həm prinsipiallığımıza, həm də mövqelərimizin, həqiqətimizin möhkəm müdafiəsinə alternativ yoxdur. Heç kimə imkan verməyəcəyik ki, ölkəmizdə sabitliyimizi pozsun. Yalnız stabillik pozuntusu deyil, həm də bu anlaşılmaz və süni şəkildə yaradılan səs-küy və bu xaos çox tezliklə sona çatacaq. Buna mən zəmanət verirəm "- dedi İrakli Qaribaşvili.
