Parlament qarşısında qarşıdurma baş verdi - On nəfər saxlanıldı

Gürcüstan Parlamenti qarşısında hüquq mühafizə orqanları ilə müxalifət tərəfdarları arasında qarşıdurma yaşandı.

InterPress.ge xəbər verir ki, qarşıdurma bir neçə aydır qanunverici orqanın arxa girişindəki çadırlarda olan müxalifət tərəfdarlarının çadırı parlamentin qarşısına köçürməyə çalışmasından sonra başlayıb.

Məlumata görə, hüquq-mühafizə orqanları buna imkan verməyiblər və bu da aralarında qarşıdurmaya səbəb olub.

Daxili İşlər Nazirliyindən verilən məlumata görə, İnzibati Məcəllənin 173-cü maddəsinə əsasən, polis məmurunun qanuni tələbinə tabe olmadığına görə, qarşıdurma zamanı on nəfər saxlanılıb.