Baş nazir istefa verdi və səbəbini belə açıqladı

"Mütləq sarsılmaz mövqeyim budur ki, bir insana qarşı, hətta qanuni ədalətlə müəyyən edilmiş tədbirin icrası, xalqımızın sağlamlığını, həyatını təhlükəyə atırsa və ya siyasi eskalasiya ehtimalını yaradırsa, tətbiq edilməsi qəbuledilməzdir".

InterPress.ge xəbər verir ki, Qiorqi Qaxaria, bu barədə hökumət rəhbərliyində keçirilən brifinqdə, Nika Melia məsələsindən bəhs edərkən bildirib.

Qaxarianın dediyinə görə, bu gün ölkəmizdə siyasi gərginlik və qütbləşmə var və Meliaya qarşı ədalət mühakiməsi ölkənin inkişafı, təhlükəsizliyi və gələcəyi üçün risklər yaradır.

"Nika Melia heç vaxt qanuna hörmət etməyən və vətəndaşlarımızı 20 iyunda parlamentə basqın etməyə çağıran bir adamdır. O, parlamentin istilasının təşkilatçılarından biri idi, amma hər şeyə rəğmən, mənim qətiliklə sarsılmaz mövqeyim budur ki, vətəndaşlarımızın sağlamlığına və həyatına, parlamentdə eskalasiya təhlükəsi yaradırsa, bir şəxsə qarşı tətbiq olunan tədbirin icrası qəbuledilməzdir.

Bu gün, xüsusilə də ölkəmizdə siyasi gərginlik və qütbləşmə olduğu zaman, ölkənin inkişafı, təhlükəsizliyi və gələcəyi üçün risklər yaradır. Təəssüf ki, bu mövzuda komandamla bir fikir birliyinə gələ bilmədiyim üçün istefa etmək qərarına gəldim. Bu addımın ölkəmizin siyasi məkanında qütbləşmənin azalmasına kömək edəcəyinə inanmaq istəyirəm, çünki qütbləşmənin və qarşıdurmanın ölkəmizin gələcəyi və iqtisadi inkişafı üçün ən böyük risk olduğuna əminəm", - dedi Qaxaria.