Bazar tacirləri aksiya keçirdi
Vağzal meydanında, yeraltı bazar tacirləri "Leyboristlər Partiyası"nın üzvü Laşa Çxartişvili ilə birlikdə aksiya keçirdi.
InterPress.ge xəbər verir ki, etirazçılar yeraltı keçiddə ticarətçilər üçün icarə vergisinin artırılmasına etiraz edirlər.
Onlar Tbilisi meriyasına və Tbilisi meri Kaxa Kaladzeyə kömək üçün müraciət etdilər.
"İcarəçi bu sahəni Bələdiyyədən aldı, biz 3 laridən başladıq, sonra bizə 6 lari, 8 lari, 10 lari ödətdilər və indi vergini 2 lari daha artırırlar. Bu məbləği ödəmək fiziki olaraq qeyri-mümkündür, kirayəçiyə müraciət etdik, lakin o, imtina etdi. Bələdiyyəyə müraciət edərək insanlara diqqət göstərməsini xahiş edirəm ki, biznesmenləri iclaslara dəvət edirsiniz, bəzən bizim də çətinliyimiz nə olduğunu soruşun", - dedi ticarətçi Mzia Lebanidze.
Laşa Çxartişvilinin dediyinə görə, yeraltı keçidin sahibi olan Bələdiyyə bu şəxslərə verginin artırılmamasını təmin etməlidir.
"Kaxa Kaladzedən xırda ticarətçilərə dəstək verməsini və bu insanların ailələrini dolandırmasını təmin etmək üçün kömək etməsini tələb edirik. Bu, bizim qəti tələbimizdir, çünki bələdiyyə yeraltı keçidin sahibidir, bu insanlarla meriya arasında vasitəçi olan kompaniya ilə münasibətləri necə istəyirsə eləcədə həll eləsin", - Laşa Çxartişvili dedi.
