"Gürcüstan Hərəkatı"nın üzvlərinə komendant saatını bir neçə dəfə pozduqlarına görə cinayət işi başlanıb
"Gürcüstan Hərəkatı" nın 19 üzvü hakim qarşısında dindirilmə tələb edir.
InterPress.ge xəbər verir ki, hərəkat üzvlərinə qarşı "Komendant saatı"nı bir neçə dəfə pozduqlarına görə cinayət işi başlanıb.
Daxili İşlər Nazirliyindən hərəkat üzvləri ilə bir neçə dəfə əlaqə saxlanılıb, ancaq onlar idarəyə getməyə hazırlaşmadıqlarını bildiriblər.
Onların sözlərinə görə, hakim qarşısında dindirilmə ilə bağlı mövqelərini bildiriblər və indi cavab gözləyirlər.
Qiorqi Şotadzenin sözlərinə görə, hərəkat üzvləri "Komendant saatı" nı məqsədyönlü şəkildə pozublar və Daxili İşlər Nazirliyinə etimadsızlıq üzündən quruma getməyi planlaşdırmırlar.
“Mənə zəng etdilər və söhbət ümumilikdə 19 nəfərdən gedir. "Komendant saatı"nı hamımız ikinci və üçüncü dəfə pozmuşuq. Bu konstitusiyaya zidd qaydalara etiraz şəklimizdir, hansı ki, bunu tətbiq ediblər. Daxili İşlər Nazirliyinə getməyəcəyik, qanuni haqqımızı, hakim qarşısında dindirilməyi tələb edirik. Ümumiyyətlə, bunun belə olacağına da şübhə edirəm. Əvvəl mənə zəng etdilər, sonra mübarizə yoldaşlarımla, vəkillə danışdım, amma hələ dəfələrlə zəng etməyiblər. Daxili İşlər Nazirliyinin necə etimada sahib olduğunu yaxşı xatırlayarsınız. Məhkəmə də xüsusi etimada xidmət etmir. Bu bizim tərəfimizdən şüurlu bir hərəkət idi", - dedi Şotadze.
