Tamar Qabunia: "Biznesin marağını və hər şeyi başa düşürük, amma bu vəziyyətdə ardıcıllıq və mərhələlik son dərəcə vacibdir"

"Biznesin marağını və hər şeyi başa düşürük, amma bu vəziyyətdə ardıcıllıq və mərhələlik son dərəcə vacibdir".

InterPress.ge xəbər verir ki, bu barədə Sahiyyə Nazirinin müavini Tamar Qabunia açıqlama verib.

Tamar Qabunianın bildirdiyinə görə, məhdudiyyətlərin azaldılması üçün ardıcıl açılış planı necə elan edildisə, eləcə də davam edəcək.

“Birinci mərhələdə yalnız restoranların açıq sahələrinin açılması planlaşdırılır ki, bu da açıq məkanlara nisbətən qapalı məkanlarda virusun yayılma riskinin daha yüksək olması ilə əlaqəlidir. Dəfələrlə restoran şəraitində maskadan istifadə edilə bilinmədiyi deyilib. Həm də sosial məsafəni idarə etmək çox çətindir və bu səbəbdən restoranla əlaqəli riskin olduqca yüksək olduğuna dair kifayət qədər möhkəm, elmi dəlillər mövcuddur. Biznesin marağını və hər şeyi başa düşürük, lakin bu vəziyyətdə ardıcıllıq və mərhələlik son dərəcə vacibdir. Qısa müddətdə bir çox məhdudiyyət yüngülləşdiriləcək. Epidemioloji mənzərə bu anda kifayət qədər ümid vericidir, amma əsas odur ki, indi bu vəziyyəti qoruyaq və yenidən məhdudiyyətləri sərtləşdirmək məcburiyyətində qalmayaq. Odur ki, bu nailiyyətləri qoruyub saxlamaq üçün riskin aydın və birmənalı olaraq yüksək olduğu yerlərdə bu növ fəaliyyətlərin həyata keçirilməsinin ən son mərhələyə keçirilməsinə ehtiyac var. Bildiyimiz kimi, hərəkətlilik halların sayının artması ilə birbaşa bağlıdır. Bu vəziyyətdə, əlbəttə ki, halların artmasının müəyyən ehtimalı var. Sığortanın əsas vasitəsi biznes mühitində olduğu kimi sosial mühitdə də maska istifadəsinə, fiziki məsafəyə, əl gigiyenasına dair qaydalara əməl etməkdir. İlk növbədə edə biləcəklərimiz bunlardır", - dedi Qabunia.