Gürcüstanda ilk koronavirusa yoluxan şəxs evə buraxıldı

Gürcüstanda ilk sağalmış 50 yaşlı xəstə Tiflis Yoluxucu Xəstəliklər Xəstəxanasını tərk edib.

InterPress.ge xəbər verir ki, bu barədə Tiflis Yoluxucu Xəstəliklər Xəstəxanasından məlumat verilib.

Həmin şəxsdə son günlərdə bir neçə testdən keçib, nəticədə virus aşkarlanmayıb.

Klinikadan çıxarılan xəstə iki həftə təcrid vəziyyətdə qalacaq.

Qeyd edək ki, Gürcüstanda koronavirusun ilk dəfə yoluxma hadisəsi fevralın 26-da aşkar edilib.