Bakı-Tbilisi əlaqələrinin intensivləşdirilməsi müzakirə olunub

Azərbaycan Respublikasının Gürcüstanda fövqəladə və səlahiyyətli səfiri Faiq Quliyev Tbilisi şəhərinin meri Kaxa Kaladze ilə görüşüb.

InterPress.ge xəbər verir ki, bu barədə Azərbaycan səfirliyindən məlumat verilib.

Görüşdə Azərbaycan ilə Gürcüstan arasındakı strateji tərəfdaşlıq və mehriban qonşuluq münasibətlərinin inkişaf tempindən məmnunluq ifadə olunub.

Tərəflər, həmçinin Bakı Şəhər İcra Hakimiyyəti ilə Tbilisi Şəhər Meriyası arasında əməkdaşlıq əlaqələrinin intensivləşdirilməsi məsələsini də müzakirə ediblər.

Səfir ilə mer Azərbaycan və Gürcüstan arasında əlaqələrin daha da möhkəmlənməsi naminə bundan sonra da lazımı işlərin görülməsi barədə razılığa gəliblər.