Gürcüstandan və Azərbaycandan vətənlərinə dönmək istəyənlərin nəzərinə - Hökumət Administrasiyası açıqlama yayır

Gürcüstan və Azərbaycan hökumətləri tərəfindən verilmiş birgə qərar əsasında, iki ölkə arasında gediş-gəliş sadəcə Laqodexi və Qırmızı Körpü gömrük-sərhəd keçid məntəqələri vasitəsi ilə mümkün olacaq.

InterPress.ge xəbər verir ki, bu barədə Hökumət Administrasiyasının məlumatında qeyd olunub.

Onların verdiyi məlumata əsasən, 14 martdan etibarən, hər iki tərəf üçün vətənlərinə geri qayıtmaq istəyən şəxslərin , öz vətəndaşlarının heç bir maneçilik olmadan ölkəyə daxil olmasını təmin etməyi nəzərdə tutan müvəqqəti təyin olunmuş rejim dəyişməz olaraq qalır.

Qeyd edək ki, məhdudiyyətlər yükdaşımalarına şamil olunmur.