Azərbaycanın Gürcüstandakı səfiri Daxili İşlər Naziri ilə görüşdü

Azərbaycan Respublikasının Gürcüstandakı fövqəladə və səlahiyyətli səfiri Faiq Quliyev Gürcüstanın Daxili İşlər Naziri Vaxtanq Qomelauri ilə görüşüb.

InterPress.ge xəbər verir ki, bu barədə Azərbaycanın Gürcüstandakı səfirliyi məlumat yayıb

Görüşdə Azərbaycan və Gürcüstanın dost və strateji tərəfdaş olduğu vurğulanıb, regional təhlükəsizlik məsələləri, eləcə də, mütəşəkkil cinayətkarlıqla mübarizə sahəsində iki ölkənin hüquq-mühafizə orqanları arasında ikitərəfli və regional əməkdaşlıq və gələcək perspektivlərə dair müzakirələr aparılıb.