Məhdudiyyətlərin qaldırılması üçün etiraz aksiyası keçirildi

Batumidə "Repormebi" fitness klubunun əməkdaşları və müştəriləri pandemiya səbəbindən tətbiq olunan məhdudiyyətlərin qaldırılmasını tələb edən aksiya keçiriblər.

InterPress.ge xəbər verir ki, etirazçılar məhdudlaşdırıcı tədbirləri qeyri-kafi və effektsiz adlandırıblar.

“1 fevraldan etibarən bütün məhdudiyyətlərin qaldırılmasını və insanların iqtisadi fəaliyyətlə məşğul olmasını tələb edirik. Yalnız mənim fitness klubumla iqtisadiyyatın bəxti həll olunmur. Buna görə də komendant saatı və bütün axmaqlığı, məntiqsiz tənzimləməni aradan qaldırın.

Bugünkü mitinqin məqsədi tətbiq olunan məhdudiyyətlərin mənasız olduğunu düşünən, lakin bunu yüksək səslə deyə bilməyən əhaliyə təkan və stimul verməkdir ki, çıxsınlar və tələblərini ucadan səsləndirsinlər. Belə yaşamağa davam etmək mümkün deyil”, - dedi fitness klubunun sahibi Qiorqi Putkaradze.

Etirazçılar aksiyaya müxtəlif formalarda davam edəcəklərini elan ediblər.