Nazir müavini digər bölgələrdə restoranların niyə açılmadığını izah etdi
"İnanın, hər qərar bizim üçün çətindir, çünki biz biznesin hansı problemlərlə üzləşdiyini çox yaxşı başa düşürük, onların işçi heyyəti qarşısında məsuliyyətləri var, əksəriyyətinin borcu, planları var və əlbətdə ki, gələcək üçün plan qura bilməmək hər kəs üçün çətindir".
InterPress.ge xəbər verir ki, bu barədə Baş nazirin birinci müavini, Regional İnkişaf və İnfrastruktur naziri Maia Çkitişvili bildirib.
Onun sözlərinə görə, hökümət mümkün imkanlar daxilində, vergi güzəştləri, əmlak və gəlir vergiləri üçün əhəmiyyətli subsidiyalar və banklar yardımı daxil olmaqla müxtəlif müəssisələrə maksimum fayda təmin edib.
“Restoranların problemini bilməklə yanaşı, onlara kömək etməyə də çalışırıq. 2020 kimi, 2021-ci ildə də onların əmlak vergisi tamamilə silindi və əmlak vergisindən azad olacaqlar. 2020-ci ildə gəlir vergisi 4 ay təxirə salındı və sonradan silindi. Eyni zamanda, digər müəssisələr kimi, restoranların, bir işçi üçün 150 GEL gəlir vergisi dövlət tərəfindən maliyyələşdirilir və indi 2021-ci ildə 6 ay ərzində bu proqrama giriş tələb edən bütün restoranların kredit faiz vergisinin 80% -i dövlət tərəfindən subsidiyalaşdırılacaq", - dedi Baş nazir müavini.
Maia Çkitişvili, Acarıstan xaricində, digər bölgələrdə restoranlarda çatdırılma xidmətlərinin qorunub-saxlanmasının, virusun yayılma riskinin yüksək olması ilə şərtləndiyini qeyd edib. Onun sözlərinə görə, 15 fevral tarixinə qədər infeksiyanın yayılma riski azalsa, restoranlar ölkənin digər bölgələrində də fəaliyyətlərini bərpa edəcəklər.
“Gürcüstanda müxtəlif növ restoranlar var, Avropa tipli restoranlarda qaydaları daha yaxşı, daha yüksək standartlarla qoruyurlar, nəinki daha çox insanın toplaşdığı və məclislər təşkil olunduğu Gürcü tipli restoranlarda. Həm də restoranda infeksiyanın ötürülməsinin əsas mənbəyi ofisiant deyil, maskasız gələn qonaqlardır" - Maia Çkitişvili dedi.
Acarıstana gəlincə, Baş nazir müavininin sözlərinə görə, bölgədəki epidemioloji vəziyyətin əvvəlki aylarla müqayisədə kəskin şəkildə yaxşılaşdığını nəzərə alaraq, hökumət Acarıstanda restoranların açıq məkanda fəaliyyət göstərməsinə icazə verdi.
