Gürcüstanın xarici ölkələrə nə qədər borcu var?

Gürcüstanın xarici dövlət borcu son bir ildə 1,794 mlrd. ABŞ dolları artıb.

InterPress.ge xəbər verir ki, bu barədə Gürcüstan Maliyyə Nazirliyinin hesabatında qeyd olunub.

Bildirilib ki, 2021-ci ilin 1 yanvar tarixinə Gürcüstanın xarici borcu 7,535 milyard dollara çatıb. Halbuki 2020-ci ilin 1 yanvarında Gürcüstanın xarici borcunun cəmi 5,741 milyard dollara bərabər olub. Ölkənin xarici borcunun 7,162 mlrd. dolları hökumətin, 373 mln. dolları isə Milli Bankın payına düşür.