Nazir məktəblərin açılması ilə bağlı açıqlama verdi

"İlk növbədə ticarət sektorunu bir açılış obyekti kimi müzakirə edəcəyik, çünki Yeni il dövründə onlardan doğru və yaxşı əməkdaşlıq gördük. Növbəti sektor təhsil sektoru hesab olunur, çünki uşaqların birbaşa məktəbə getməsinin nə qədər vacib olduğunu bilirik. Hadisələri qabaqlamaq və saxta gözləntilər yaratmaq istəmirəm".

InterPress.ge xəbər verir ki, bu barədə Səhiyyə naziri Ekaterine Tikaradze bildirib.

“Təhsil sahəsində fərqli modelləri müzakirə edəcəyik, bu ya hibrid modeli olacaq, ya da nisbətən yüksək və aşağı risk daşıyıcı siniflərə bölə bilərik. Məktəblərin uşaqları və müəllimləri qorumasını təmin etmək üçün mümkün qədər iştirak edəcəyik. İndi danışdığımız iki əsas sahə bunlardır. Bölgələri qırmızı, sarı və yaşıl zonalara böldük, bu səbəbdən açılışlar mərhələli olacaq", - dedi Tikaradze.