Bu taksi sürücüləri koronavirus testindən keçiriləcək
"Hər hansı kateqoriyalı taksi sürücüsü hər iki həftədə bir məcburi PISAR testindən keçəcəkdir".
InterPress.ge xəbər verir ki, bu barədə paytaxt meri Kaxa Kaladze bələdiyyə hökumətinin bugünkü iclasında bəyan edib.
Kaladzenin qeyd etdiyinə görə, İdarələrarası Koordinasiya Şurasının qərarına əsasən, həm A, həm də B kateqoriyalı "Tbilisi Taksi" sürücüləri testdən keçiriləcəklər.
“Virusun yayılma risklərindən qaçınmaq üçün davamlı olaraq risk qrupları müəyyən edilir və PISAR testləri aparılır. Həm "A" həm də "B" kateqoriyalı "Tbilisi Taksi" nin sürücüləri belə risk qruplarından birinə aiddir. Mümkün qədər sığortalanmaq, insanların sağlamlığına və həyat təhlükəsizliyinə diqqət yetirmək çox vacibdir. Taksi sürücülərinin özlərinin və taksi xidmətindən istifadə edən şəxslərin sağlamlıq təhlükəsizliyi vacibdir. Buna görə, Koordinasiya Şurasının qərarına əsasən, həm "A", həm də "B" kateqoriyalı "Tbilisi Taksi" sürücülərinin məcburi PISAR testlərindən keçmələri vacibdir", - Kaxa Kaladze dedi.
Onun sözlərinə görə, paytaxtda yoluxmuş taksi sürücülərinin işinə davam etməsi ilə əlaqədar xoşagəlməz hallar olub.
"Sığortalanmaq üçün taksi sürücülərinin PISAR testlərindən keçirilməsinin iki həftədə bir edilməsi vacibdir", - deyə Tbilisi meri söyləyib.
Tbilisi meriyası müvafiq qanuni dəyişiklikləri təsdiq üçün şəhər şurasına təqdim edəcəkdir. Proses bələdiyyə və mərkəzi hökumət tərəfindən birgə izləniləcək.
