Baş nazir bölgədəki dövlət nümayəndələrinə ciddi tapşırıq verdi

Gürcüstanın Baş Naziri Qiorqi Qaxaria, dövlət nümayəndələrinə bölgələrdə meydana çıxan problemlərə dərhal reaksiya göstərmələrini və epidemioloji vəziyyətdə sabitləşmə baxımından əldə edilən nəticələri təhlükə altına salmamalarını üçün müvafiq qaydaların yerinə yetirilməsinə ciddi şəkildə nəzarət etmələrini tapşırıb.

InterPress.ge xəbər verir ki, bu barədə Hökumət administrasiyasından məlumat verilib.

Məlumata görə, bu gün hökumət rəhbərliyində keçirilən iclasda bölgələrdəki dövlət nümayəndələri bələdiyyələrdəki epidemioloji vəziyyətlə bağlı Baş nazirə ətraflı hesabat təqdim ediblər və ölkədəki mövcud məhdudiyyətlər nəticəsində vəziyyətin stabilləşdiyini, bunun xəstəxana sektorunun yükünün azalmasına səbəb olduğunu və bununla bağlı problemlərin gündəmdə olmadığı qeyd ediblər.

Baş nazir müvafiq yerlərdə gedən proseslərin səmərəli idarə olunmasını təmin etmək üçün bölgələrdə dövlət nümayəndələrinin maksimum səfərbər olunmasının vacibliyini vurğulayıb və qubernatorları bu istiqamətdə daha təsirli addımlar atmağa çağırıb.

Baş nazir, bölgələrdəki vəziyyət haqqında ətraflı məlumat almaq və yaranmış problemləri dərhal həll etmək üçün dövlət nümayəndələri ilə mütəmadi görüşlər keçirir.