Beş ayda Gürcüstandan 17,3 milyon dollar dəyərində mandarin ixrac edilib
1 Avqust 2020 - 17 Yanvar 2021 tarixləri arasında, 17,3 milyon dollar dəyərində 35,4 min ton mandarin ixrac edilib.
InterPress.ge xəbər verir ki, bu barədə Ekologiya və Kənd Təsərrüfatı Nazirliyindən məlumat verilib.
Nazirlikdən bildirildiyinə görə, qeyd olunan dövrdə mandarin ixracının həcmi 6,3 min ton (22%), ixrac dəyəri isə 2019-2020-ci ilin eyni dövrünün göstəricilərindən 2,3 milyon ABŞ dollar (16%) çoxdur.
Bununla birlikdə, 2020-ci ildə mandarin ən çox Rusiya Federasiyasına (20,5 min ton), Ermənistana (7,6 min ton) və Ukraynaya (5,3 min ton) ixrac edilmişdir. Bu ölkələrə əlavə olaraq Moldova, Türkmənistan, Belarusiya, Qazaxıstan, Litva, Sloveniya, Tacikistan, Qırğızıstan, Azərbaycan, ABŞ və Almaniyaya da məhsullar ixrac edilib.
