Rustavi - Tbilisi yolu bağlandı - Poniçala sakinləri aksiya keçirir

Poniçala əhalisinin mitinq keçirdiyi Tbilisi-Rustavi avtomobil yolunda səs-küy yaranıb.

InterPress.ge xəbər verir ki, etirazçılar 1200-ə qədər ailəyə üç gündür təbii qaz verilmədiyini bildiriblər.

"Tbilisi Energy" şirkətinin nümayəndələrinin aksiya yerinə gəlmələrini tələb edirlər.

Yerli sakinlər təxminən yarım saatdır ki, magistral yolu bağlayıblar, bu da etirazçılar ilə yoldan istifadə edən nəqliyyat vasitələri sürücüləri arasında səs-küy və fiziki qarşıdurmaya səbəb olub.

Hüquq-mühafizə orqanları hadisə yerinə cəlb olunub. Hal-hazırda nəqliyyatın hərəkəti bərpa olunub.