Səhiyyə nazirliyinin müavini açıqlama verdi: "Yeni koronavirus növü daha sürətli yayılır"

"Gürcüstanda təsdiqlənmiş yeni koronavirus növünün daha sürətli yayıldığı artıq məlumdur. Buna görə də, ehtiyatlı olmaq lazımdır.

InterPress.ge xəbər verir ki, bu barədə Səhiyyə Nazirinin müavini Tamar Qabinia bildirib.

Qabunia əhalini lazımi tövsiyələrə əməl etməyə çağırıb.

“Dünən yeni koronavirus növünün təsdiqini öyrəndik. Üç şübhəli haldan birində bu təsdiqləndi, klinik cəhətdən əvvəllər bilinən növlə eyni gedir. Bu günə kimi məlum olan yeganə şey, bu növün daha sürətli yayılmasıdır və həm fərdi qoruyucu vasitələrin istifadəsində, həm də qaydalara riayət etmək baxımından, iş mühitində və ictimai toplantılarda çox ehtiyatlı olmaq lazımdır",- dedi Tamar Qabunia.