Gürcüstanda koronavirusla bağlı son vəziyyət

Gürcüstanda yeni növ koronavirusa (COVID-19) son 24 saat ərzində 990 yeni yoluxma halı qeydə alınıb.

InterPress.ge-nin xəbərinə görə, Gürcüstan Baş nazirinin mətbuat xidməti bu barədə məlumat yayır.

Bununla da ölkədə virusa yoluxanların sayı 228 410 nəfərə çatıb.

Sağalanların sayına gəldikdə isə, ölkədə son 24 saat ərzində 3265 sağalma qeydə alınaraq ümumi sağalanların sayı 214 992 nəfər təşkil edib.

Qeyd edək ki, bu gün koronavirusdan daha 23 nəfər ölüb və ölənlərin ümumi sayı 2 528 nəfər təşkil edib.

Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib.