Gürcüstanda meşə yanır

Calengixa bələdiyyəsinin Jvari meşəsində yanğın baş verib.

InterPress.ge xəbər verir ki, yanğın meşənin aşağı hissəsində başlayıb.

Təcili Yardım Xidmətindən verilən məlumata görə, 20 nəfərlik yanğınsöndürən qrupu hadisə yerinə cəlb olunub.

Onların sözlərinə görə, yanğının yaxınlığında yaşayış yeri yoxdur və atəşin yayılma təhlükəsi yoxdur. Hal-hazırda yanğın lokallaşdırma işləri aparılır.

Hələlik yanğının səbəbi məlum deyil.