—

Ozurgetidə keçmiş arvadını qətlə yetirməkdə təqsirləndirilən şəxs həbs edildi

351
Ozurgetidə keçmiş arvadını qətlə yetirməkdə təqsirləndirilən şəxs həbs edildi
Dinləmək üçün basın

Ozurgetidə keçmiş arvadını qətlə yetirməkdə təqsirləndirilən şəxsə qarşı cinayət işi açılıb və barəsində həbs qətimkan tədbiri seçilib.

Ozurgetidə keçmiş arvadını qətlə yetirməkdə təqsirləndirilən şəxsə qarşı cinayət işi açılıb və barəsində həbs qətimkan tədbiri seçilib.

lnterPress.ge xəbər verir ki, bu barədə Prokurorluqdan məlumat verilib.

Daxili İşlər Nazirliyi tərəfindən aparılan istintaqla müəyyən edilib ki, avqustun 12-də təqsirləndirilən şəxs Ozurgetidəki evində keçmiş həyat yoldaşına baş çəkib, onunla barışmaq və birgə yaşayışı davam etdirməklə bağlı mübahisə edib və bu, münaqişəyə çevrilib. Təqsirləndirilən şəxs zərərçəkmişə fiziki təzyiq göstərib, bundan sonra kəsici-deşici alətlə bədəninə çoxsaylı xəsarətlər və digər xəsarətlər yetirib. Zərərçəkən hadisə yerində həyatını itirib.

“Keçmiş həyat yoldaşına qarşı fiziki zorakılıq və sistematik zorakılıqda təqsirləndirilən şəxs, Ozurgeti Rayon Məhkəməsinin 2018, 2020 və 2021-ci il hökmləri ilə məhkum edilib. Hər üç iş üzrə prokurorluq tərəfindən həbs qətimkan tədbiri seçilib, işlərə mahiyyəti üzrə baxılmaqla yekunlaşıb, qeyd olunan hallarda isə təqsirləndirilən şəxsə azadlıqdan məhrum etmə cəzası verilib.

İ.T.-yə qarşı Gürcüstan Cinayət Məcəlləsinin 16 ildən 20 ilədək həbs və ya ömürlük həbsi nəzərdə tutan 11 Prima, 109-cu maddəsinin “t”, “k” və “m” yarımbəndləri ilə ittiham irəli sürülüb.

Prokurorluğun vəsatəti əsasında təqsirləndirilən şəxs barəsində həbs qətimkan tədbiri seçilib”,- deyə məlumatda qeyd olunub.

Qeyd edək ki, mərhumun azyaşlı oğlu ilə istintaq orqanlarının iştirakı ilə psixoloq və sosial işçi işləyir.

Xəbəri qiymətləndir
Məqalənin müəllifiLalə Əsgərova

Son xəbərlər

Poniçalada baş verən partlayışda dağıntılar altından azyaşlının cəsədi tapılıbPoniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırSon xəbərlərə bax →