Gürcüstanın “Myway Airlines” aviaşirkəti Tbilisi-Tel Əviv-Tbilisi və Tbilisi-İrəvan-Tbilisi hava yollarında müntəzəm uçuşlar həyata keçirməyi planlaşdırır.
InterPress.ge xəbər verir ki, Mülki Aviasiya Agentliyinə təqdim olunan müraciətə əsasən, bu istiqamətlərə uçuşlar aşağıdakı cədvəl üzrə həyata keçiriləcəkdir.
Tbilisi-Tel-Əviv-Tbilisi, 2 iyun - 28 oktyabr tarixləri arasında hər bazar ertəsi, çərşənbə axşamı, çərşənbə, cümə axşamı və bazar; Tbilisi-İrəvan-Tbilisi, hər gün 15 may - 30 oktyabr.
Gürcüstan İqtisadiyyat və Davamlı İnkişaf Nazirliyinin Mülki Aviasiya Agentliyi aviaşirkətə bu il aprelin 20-də fəaliyyət lisenziyası verdi.
