Vətəndaşların nəzərinə! 300 lari birdəfəlik yardım qeydiyyatı bu gün sona çatır

300 GEL təzminat üçün ilkin elektron müraciətlərin son tarixi bu gün, 24 dekabr tarixində bitir və təqdim olunan məlumatlar 28 dekabr tarixinədək dəqiqləşdiriləcək.

InterPress.ge-nin məlumatına görə bu günə qədər Gəlirlər Xidmətinin elektron məlumat bazasında təxminən 105 000 müraciət qeydə alınıb.

Gəlirlər Xidməti vergi ödəyicilərini və şirkət nümayəndələrini ünvanlı sosial yardım almaq üçün quruma vaxtında dəqiq məlumat verməyə çağırır.

Xatırlatmaq istərdik ki, Gürcüstan Hökuməti tərəfindən qəbul edilmiş qərarda edilən dəyişikliyə görə, maaşların 28 noyabr - 5 dekabr tarixləri arasında verilməsi artıq təzminat ödənişinə əngəl kimi qəbul edilməyəcəkdir.