Gürcüstanda silahlı şəxslər evi qarət etdi

Xobi bələdiyyəsində soyğunçuluq hadisəsi baş verib.

InterPress.ge xəbər verir ki, Nogixevi kəndində iki maskalı silahlı şəxs yerli sakinlərdən birinin evinə girib.

Yaşlı qadın evdə tək imiş. Qadının şifahi və fiziki istismara məruz qaldığı bildirilir.

Hadisə yerinə Daxili İşlər Nazirliyinin Xobi Polis Şöbəsinin əməkdaşları və kriminal - ekspert qrupları cəlb olunub .

Daxili İşlər Nazirliyindən verilən məlumata görə, hadisə Cinayət Məcəlləsinin soyğunçuluğu nəzərdə tutan 179-cu maddəsi ilə araşdırılır.