Mərkəz rəhbərinin müavini məhdudiyyətlərin genişləndirilməsindən danışdı

"Ölkədə kilidləmə elan edə bilmərik, iqtisadiyyatımız buna dözə bilməz, ancaq bu müharibədən minimal itki ilə çıxmağımızı təmin etmək üçün nöqtə məhdudiyyətləri genişləndirilməlidir".

InterPress.ge xəbər verir ki, bu barədə Xəstəliklərə Nəzarət və Xalq Sağlamlığı Mərkəzinin direktor müavini Paata Imnadze, sağlamlıq mütəxəssislərinin görüşündən sonra söyləyib.

Onun sözlərinə görə, ölkədə mövcud olan məhdudiyyətlər artıq yetərli deyil.

Imnadzenin dediyinə əsasən, xalq səhiyyəsi bütün intellektual mənbələrdən istifadə etməlidir.

“Görüş çox vacib idi. Təəssüf ki, lap əvvəldən ölkədə mövcud olan aktivliklər nəticəsində virusa yoluxma hallarında artım olacağı ilə bağlı proqnozlar mövcud idi. Əlbətdə ki, xaricdəki həmkarlarımız da daxil olmaqla xalq sağlamlığı mütəxəssisləri baxımından ölkədə mövcud olan bütün intellektual mənbələrdən istifadə etməliyik.

Hamımız eyni fikirdəyik ki, ölkədə mövcud olan məhdudiyyətlər artıq bu vəziyyətdə bizə kifayət deyil. Belə demək mümkünsə, daha çox nöqtə məhdudiyyəti qoymaq lazımdır. Hal-hazırda kilidləmə elan edə bilmərik, iqtisadiyyatımız buna dözə bilməz, amma nöqtə məhdudiyyətlərinin genişləndirilməsi lazımdır, hamımız bununla razıyıq. Bu, bu müharibədən minimal itki ilə çıxmağımıza imkan verəcək",-dedi Paata Imnadze.