Maik Pompeo bu gün Gürcüstana səfər edəcək

ABŞ dövlət katibi Maik Pompeo bu gün Gürcüstana gələcək.

InterPress.ge məlumat verir ki, Dövlət katibi günortadan sonra Tbilisidə olacaq.

Səfər zamanı Maik Pompeo 18 noyabrda görüşlər keçirəcək.

Dövlət katibinin Gürcüstanın Baş naziri Qiorqi Qaxaria, Gürcüstan Prezidenti Salome Zurabişvili və Xarici İşlər Naziri Davit Zalkaliani ilə görüşü planlaşdırılıb.

Maik Pompeo, Tbilisidə Bütün Gürcüstanın Katolikos-Patriarxı II İlia ilə də görüşəcək.

Bundan əlavə, ABŞ dövlət katibi mülki sektorun nümayəndələri ilə görüş keçirəcəkdir.

Səfər zamanı tərəflər Gürcüstan və bölgədəki təhlükəsizlik mühiti, regional və beynəlxalq təhlükəsizliyin gücləndirilməsi üçün ölkələr arasında əməkdaşlıq məsələlərini müzakirə edəcəklər. Tərəflər Gürcüstanda davam edən demokratik və iqtisadi islahatları da müzakirə edəcəklər.