Megi Qotsiridze: “Sulxan Molaşvili narkotiklərdən çürümüş qaraciyərinin parçalanması nəticəsində ölüb”

“Milli Hərəkat” partiyasının üzvü Megi Qotsiridze keçmiş hakimiyyət dövründə həbsxanada işgəncələrə məruz qalan Sulxan Molaşvili haqqında paylaşım edib. O, Molaşvilinin “narkotiklərdən çürümüş qaraciyərinin parçalanması” nəticəsində öldüyünü iddia edib.

InterPress.ge xəbər verir ki, Qotsiridze müxalifətçi müğənni İrma Soxadze ilə həbsdə olan Mixeil Saakaşvili arasında başlayan qarşıdurmaya münasibət bildirib. O, Soxadzeni təhqiramiz ifadə ilə, onun Sulxan Molaşvilinin müavini vəzifəsində çalışmış həyat yoldaşını isə “çürümüş narkoman” adlandırıb.

“Utanmaz gözəl ‘koçala’ bizə cavab verdi: ‘Bəli, mənim ərim çürümüş narkoman idi, korrupsiyaya qarşı mübarizə aparan Molaşvilinin müavini idi və həbsdən çıxdıqdan 7 il sonra narkotiklərdən çürümüş qaraciyərinin parçalanması nəticəsində öldü, amma mənim ərim təmiz idi və həbs olunmamışdı’, – deyib.

P.S. Nə Şalikonun sanksiyalı rus məhəlləsində illərlə təbliğatçılarla birlikdə işləyirdin, nə də maaş olaraq konvertlə rus rublu alırdın, nə sənin ‘təmiz’ keçmişinlə bağlı istintaq razılaşması olub – bunları biz uydurduq. Nə də mənim yanıma işini düzəltmək üçün adam göndərmisən, nə də pilləkəndən yuvarlanmısan – bunları da mən uydurdum, ‘koçala’”, – deyə Megi Qotsiridze sosial şəbəkədə yazıb.

Məlumat üçün bildirək ki, 2004-cü ildə Sulxan Molaşvili işgəncəyə və ləyaqəti alçaldan rəftara məruz qalması ilə bağlı Avropa İnsan Hüquqları Məhkəməsinə müraciət edib. Məhkəmə 2014-cü ildə Molaşvilinin həqiqətən işgəncə və qeyri-insani rəftar qurbanı olduğunu təsdiqləyib.