İrakli Kobaxidze: Əhalinin ödədiyi gəlir vergisi 2012-ci illə müqayisədə 4 dəfədən çox artıb
2012-ci ildə Gürcüstan əhalisi gəlir vergisi şəklində 1 milyard 764 milyon lari ödəyirdi. 2020-ci ildə bu göstərici 3 milyard 326 milyon lariyə, ötən il isə 8 milyard 261 milyon lariyə çatıb.
InterPress.ge xəbər verir ki, bunu Gürcüstanın Baş naziri İrakli Kobaxidze parlamentdə hökumət proqramının icrası ilə bağlı illik hesabatını təqdim edərkən bildirib.
Baş nazirin sözlərinə görə, Beynəlxalq Valyuta Fondunun orta müddətli proqnozuna əsasən, 2026–2031-ci illərdə Gürcüstan həm regionda, həm də Avropa miqyasında ən yüksək iqtisadi artım tempinə malik ölkə olacaq.
Onun sözlərinə görə, sürətli iqtisadi artımın əhalinin rifahına necə təsir etdiyini göstərən ən mühüm göstəricilərdən biri gəlir vergisi üzrə ödənişlərdir.
"Ölkəmizdə təxminən bir milyon vətəndaş gəlir vergisi ödəyir. Bu, demək olar ki, bütün muzdla çalışan şəxsləri əhatə edir. 2012-ci ildə əhali gəlir vergisi şəklində 1 milyard 764 milyon lari ödəyirdi. 2020-ci ildə bu rəqəm 3 milyard 326 milyon lariyə, ötən il isə 8 milyard 261 milyon lariyə çatdı. Bu isə o deməkdir ki, vergilər ödənildikdən sonra əhalinin gəlirləri 33 milyard larini keçib. Halbuki bu göstərici 2020-ci ildə 13,3 milyard lari, 2012-ci ildə isə 7,1 milyard lari idi. Bu, ölkədəki iqtisadi artımın birbaşa əhalinin gəlirlərində də öz əksini tapdığını göstərir", – deyə İrakli Kobaxidze bildirib.
