Papuaşvili: Kim hakimiyyəti devirməyə çalışdısa, özü həbsxanaya düşdü

Gürcüstan parlamentinin sədri Şalva Papuaşvili bildirib ki, hakimiyyəti devirməyə çalışan şəxslər nəticədə özləri cəzaçəkmə müəssisəsində olublar.

InterPress.ge xəbər verir ki, Şalva Papuaşvili bu barədə jurnalistlərə açıqlamasında danışıb. Onun sözlərinə görə, Gürcüstana qarşı mübarizə aparan hər kəsi eyni aqibət gözləyir.

“Kim devirməyə cəhd göstərdisə, görürük ki, nəticədə özü penitensiar müəssisədə oldu. Belə cəhdlərin yeganə perspektivi budur ki, Gürcüstana qarşı mübarizə aparan hər kəs penitensiar müəssisəyə düşəcək”, – deyə Papuaşvili bildirib.