İrakli Kobaxidze: 26 mayda Azərbaycandan Gürcüstana ilk sərnişin qatarı gələcək

Gürcüstanın Baş naziri İrakli Kobaxidze bildirib ki, uzun fasilədən sonra mayın 26-da Azərbaycandan Gürcüstana ilk sərnişin qatarı daxil olacaq.

InterPress.ge xəbər verir ki, İrakli Kobaxidze bu barədə Bakıda jurnalistlərə açıqlamasında danışıb. Baş nazir sərnişin dəmir yolu əlaqəsinin bərpası ilə bağlı qərara görə Azərbaycan tərəfinə təşəkkür edib.

“Gürcüstanla sərnişin dəmir yolu əlaqəsinin bərpası barədə qərar qəbul etdiyinə görə Azərbaycan tərəfinə təşəkkür edirəm. Uzun fasilədən sonra mayın 26-da Azərbaycandan Gürcüstana ilk sərnişin qatarı gələcək”, – deyə Kobaxidze bildirib.

Baş nazirin sözlərinə görə, bu qərar iki ölkə arasındakı münasibətlərin inkişafı və turizm əlaqələrinin genişlənməsi baxımından mühüm əhəmiyyət daşıyır.

“Bu, ölkələr arasında münasibətlərin inkişafı və turist axınının genişlənməsi üçün çox vacibdir”, – deyə İrakli Kobaxidze vurğulayıb.