Şalva Papuaşvili: Bağışlanmadan əvvəl peşmanlıq olmalıdır

Gürcüstan parlamentinin sədri Shalva Papuashvili aksiyalar zamanı saxlanılan şəxslərin əfv olunması ilə bağlı jurnalistlərin sualını cavablandırıb.

InterPress.ge xəbər verir ki, Papuaşvilinin sözlərinə görə, bağışlanmadan əvvəl mütləq peşmanlıq olmalıdır.

“Əfv mənim səlahiyyətim deyil. Amma bir şeyi deyə bilərəm ki, bağışlanmadan əvvəl hər zaman peşmanlıq gəlir. Bu həm xalqın qanunudur, həm də kilsənin qanunudur”, – deyə Papuaşvili bildirib.

Onun sözlərinə görə, hər hansı əfv məsələsindən əvvəl həmin şəxslərin peşman olub-olmaması müzakirə edilməlidir.

“İnsanları “Molotov kokteyli” ilə diri-diri yandırmağa çalışan şəxslərdə peşmanlıq varmı?! Gürcüstan parlamentini yandırmağa çalışan şəxslərdə peşmanlıq varmı?! Ölkəni devirməyə çalışan şəxslərdə peşmanlıq varmı?! Buna görə də bağışlanmadan əvvəl hər zaman peşmanlıq olmalıdır”, – deyə Papuaşvili qeyd edib.