Çayda kişi meyiti tapılıb – faktla bağlı araşdırma aparılır

Gürcüstanın Xobi rayonunun Çaladidi kəndində Çivi çayında təxminən 50 yaşlı kişinin meyiti aşkarlanıb.

InterPress.ge xəbər verir ki, yerli sakinlərin məlumatına görə, mərhum Abxaziyadan məcburi köçkün olub. Bildirilir ki, o, iki gün ərzində yaxınları və qonşuları tərəfindən axtarılırmış.

Hadisə yerinə təcili tibbi yardım briqadası və polis əməkdaşları cəlb olunub. Meyit ekspertiza üçün müvafiq quruma təhvil verilib.

Gürcüstan Daxili İşlər Nazirliyindən verilən məlumata əsasən, faktla bağlı Cinayət Məcəlləsinin 115-ci maddəsi ilə istintaq aparılır. Bu maddə intihara sövq etmə hallarını nəzərdə tutur.