Marneulidə aksiya zamanı saxlanılan hər iki şəxs yazılı bildiriş əsasında sərbəst buraxılıb

Marneulidə aksiya zamanı saxlanılan hər iki şəxs yazılı bildiriş əsasında sərbəst buraxılıb.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Qeyd edək ki, qarşıdurma aksiya iştirakçılarının etiraz əlaməti olaraq yolu bağlamağa cəhd etməsindən sonra başlayıb. Fermerlər bildirirdilər ki, yerli istehsal etdikləri tərəvəz məhsullarını satmaqda çətinlik çəkirlər və məhsulu maya dəyərindən daha ucuz qiymətə satmağa məcbur qalırlar.

Saxlanılan şəxslər İnzibati Xətalar Məcəlləsinin 173-cü maddəsi ilə məsuliyyətə cəlb olunmuşdular. Bu maddə hüquq-mühafizə orqanı əməkdaşının qanuni tələbinə tabe olmamağı nəzərdə tutur.